FIL 25 paper no. 3 - Hawig paragraph 11

"Instant" henerasyon?

Ang henerasyon ngayon, nakatutok na lang lagi sa telebisyon. Sapagkat ang telebisyon nga naman ay kumpleto, kung ayaw mong magbasa ng dyaryo may mga balita, sa walang magawa maari silang makipagkilala sa ibang tao: makipag-date, pwede magkaraoke, pwede rin makinig ng mga dasal, mayroon din maraming palabas kung saan magiging bukas ang mga isipan ng mga tao sa mga realidad at mga kaganapan sa mundo. Oh di ba? All in one. Napaka-instant. With a touch of button, ayan na! Ganyan din daw ang henerasyon ngayon, sige sige lang ang pagkilos, kung ano sabihin o makita sa telebisyon-gagayahin o hindi kaya bibilhin- ang henerasyon daw ngayon- hindi makapaghintay. Katulad ng ipinapakita sa maraming palabas at komersyal sa TV - instant kaibigan , instant pag-ibig, instant kaligayahan. Marami sa mga karakter ang nagpapakita na okay lang bumili ng bumili ng mga damit, magkaroon ng instant na kaibigan at pag-ibig atbp. Pero sa totoong buhay hindi naman maari iyon. Nagpapatunay ito sa pagiging “subsumed” na ng kabataan sa telebisyon. Isa itong nakakalungkot na pangitain. Sadyang napakalaki ng impluwensya ng telebisyon, hindi lamang para sa pagpapahayag ng impormasyon ngunit pati na rin sa pansarili at panandaliang gratipikasyon. Pero, sa totoo lang, maari naman tumiwalag o hindi sumunod sa ihip ng masamang idudulot nito, nasa sa tao lang iyon-- telebisyon lang iyon.