Sunday, January 11, 2009

Ang Internet at ang Henerasyon ngayon (tentative/unrevised)

T.S.: Ang Internet ay nagbubuklod at humuhubog sa mga buhay sa henerasyon ngayon.

I. Depinisyon at Orihin ng Internet

II. Ang bentahe sa paggamit ng Internet ng isang indibidwal.
A. Ang mga impormasyon sa iba’t ibang aspeto ng buhay ay maari ng makita sa
mabilis at hindi masyadong mahirap na paraan.(billings, shopping, research atbp.)
B. Ang internet ay nagbibigay daan sa pagkakaroon ng unlimited freedom sa kung ano
mang nais gawin.

III. Ang disbentahe sa paggamit ng Internet ng isang indibidwal.
A.Nagiging mas tamad at nawawala na ang effort para idevelop pa ang ibang aspeto
sa sarili.
B. Limiting (nagkakaroon ng paghinto ng kaunlaran ng kaisipan). Nagrerely sa copy
and paste method.
C.Sa dami ng impormasyon, pati ang irrelevant o hindi kanais-nais na sites ay na-aaccess
(hal. pornographic sites).

IV. Ang Internet bilang midyum ng komunikasyon
A. Ang pagkomunika ng bawat tao ay naging madali ngunit madalas pinag-uugatan ng hindi
pagkakaunawaan.
B. Ang pagkakaroon ng maraming social circle sites.
C. Ang hacking ay madali ng naisasagawa ngayon.

V. Ang Internet bilang isang midyum ng advertaysing
A. Ang print media ay maaring mapalitan.
B. Napapamura at napapadali nito ang pagpromote ng mga events, produkto ng isang
kompanya at small-scale o large-scale entrepreneurs.
C. Madaling namomonitor ng mga investors, businessmen ang kanilang investment.

VI. Ugaling hinubog sa lipunan mula sa paggamit ng Internet.

Editorial Cartoon: Untitled

Ang gulo natin. Ang gulo ng gobyerno natin.

Tuwing may allegasyon na lamang sa gobyerno, hindi ito nabibigyan solusyon sapagkat sadyang tumatahimik o pinapatahimik ang mga sangkot o kung hindi naman, napapansin ko na laging may isang isyu na naman uungkatin at mababaon na sa limot ang pangkasalukuyan isyu. Sa aking palagay, isa itong maling gawain, na parang lagi na lang napapalusot ang mga isyu na ito, hindi na tuloy nasasala at nahihiwalay ang mga mali at tamang gumagawa ng tungkulin.

Dumako tayo sa editoryal kartun. Malinaw na isa itong batikos sa kasalukuyan pangulo at administrasyon. Ang kartun ay maraming sinasaad ukol sa mga isyung bumabalot sa mga nanunungkulan. Sa katunayan, kasing dami ng ‘facets of diamond’ ang interpretasyon.

Magsimula tayo sa gitna, sa pinamamagatan nilang pekeng pangulo. Bakit nga ba peke? May original ba? Ito ay nagsasaad ng pandaraya na ginawa noong nakaraaang eleksyon ang Hello Garci isyu na konektado kay J.J.Bolante “The Fertilizer Fund Scam”. Sa madaling sabi, walang siyang mandate mula sa tao, kung siya nga ay nandaya. Pansinin ang ekspresyon sa mukha at gawain sa katawan—Ang mga mata na parang nanunuot na marahil alam ng administrasyon na hindi talaga kayang pagtaguan pa ang mga batikos pati na rin ang mga patung-patong na isyu ay mahigpit pa rin ang kapit nila (makikita ito sa closed-fist at matutulis na kuko at ang kagat niya sa rubber na ginagamit sa ineksyon). Pansinin ang mga bote sa gilid, pansinin ang nakalagay – ito ang mga pangunahing isyu at problema sa ngayon. Ang Cha Cha ay ang planong pagpapalit ng uri ng gobyerno na pinaniniwalaan upang ma-extend ang kanyang termino, War on terror sa Mindanao at dati sa Middle East na pinaniniwalaan may ibang underground deals mula America, Political killings – isama na rin ang mga desaparecidos na journalist, opisyal na nagsisiwalat ng katotohanan o kasiraan sa kanila?, ang E-VAT na pagkalaki-laki na lalong nagpapahirap sa mga businesses at employee dahil sa mga tax na binabayad nila na hindi napupunta at nahahati sa dapat pagbigyan (kaya tuloy ang dami pa rin baku-bakong kalye at iba pa). Pansinin ang ineksyon, maaring para ma-immune siya sa mga problema, pero ang mas malalim pa doon ay maaring nagrerepresenta ito sa problema sa droga. Ang pinakapangunahin at napakatagal na ngunit hindi pa rin malutas. Ipinapakita dito na sentro ito,nagsasaad ng kabigatan ng problema.

Sa lahat ng ito, masdan ang labi, parang pamilyar iyon parang sa batman, parang clown, parang si Joker, maaring nagsasaad na ang pekeng pangulo at ang administrasyon niya ay nanloloko at pinapaikot tayo sa mga gawain nila. Nga pala, may buwaya (ayun nasa gitna ng pekeng pangulo) - representasyon ng mga opisyal at kagawaran nila. Mga pangigipit na ginagawa nila upang ikaw ay magbigay ng kahit kaunti para sa kanilang panandalian o pangmahabaang gratipikasyon. Ganyan na nga ba kababaw ang opisyal? Nakukuha sa materyal o pang-benepisyong nilang mga bagay? Iyon kahit nanloloko ay nakakatulog pa rin?

Nakikita niyo na ba ang histura ng kartun?

Malikhain ang pagkaguhit ng kartun sapagkat marami pala itong implikasyon. Pero, parang isa lang ito sa maraming editoryal na kartun na bumabatikos sa administrasyon, na obviously ay dineadedma lang ng mga opisyal. Hindi sa wala na akong masyadong pakialam. Natatakot nga ako kasi ganito ang kinalalabasan ng mga nangyayari sa gobyerno. Natatakot ako kung may justice system pa ba talaga tayo. Sa totoo lang, napapagod na rin ako sa kakapakinig ng mga isyu na alam natin na wala naman mangyayari. Kung gayon, parang totoo na ba ang sinasabi ni Thrasymachus na galing pa sa sibilisasyon ng Griyego, na justice is subjective to those who are in power? Sana hindi naman. Sana dito sa “Alabang Boys” isyu eh huwag naman maging isa sa mga“hot and fizzle” na isyu. Sana ngayon, makita na talaga ang katotohanan.

Minsan, naiisip ko, natututo ba talaga tayo? Ilang editoryal kartun na ba ang na-iguhit para isiwalat ang kamalian? Para saan pa ang kasaysayan? Kasi naman, kung anu nangyayari nung labinlimang (15) taon nakakalipas eh halos ganun pa rin ata ngayon.

Nagkagulo noon, Nagkakagulo pa rin ngayon sa mga parehong rason. Nag-iiba lang ang mukhang ginuguhit sa kartun pero ang isyu,pansinin magkakapareho lang.

Anu nga bang bago? Parang wala.